کوشیان و زەخمداری وە رمیان بینایگ ئاسەواری لە نەجەف

شەفەق نیوز/ سەرچەوەیگ ئەمنی لە پارێزگای نەجەف، ئمڕوو پەنجشەممە، خەوەردا لە کوشیان کراکاریگ و زەخمداری یەکیگتر، لە ئەنجام رمیان بینایگ ئاسەواری لە باکوور پارێزگاگە.

سەرچەوەگە ئەرا ئاژانس شەفەق نیوز وت: کریکاریگ گیانی لەدەسدا و یەکیگیش تویش زەخمەیل سەختیگ هات، مەوقەی رمیان بینایگ ئاسەواری لە خان روبع باکوور پارێزگای نەجەف مەوقەی کارەیل خاسەوکردنی.

سەرچەوەگە دیاری کرد ک تیمەیل وەرگری شارستانی و دەزگایل ئەمنی رەسینە شوین و تەرمەگە ئەرا پزشک دادوەری کلکردن، و زەخمدارەگە ئەرا نزیکترین خەسخانە.