کوشیان و زەخمداری چوار کەس لە ئەنجام رویداویگ هاتوچو دڵتەزن لە زیقار

شەفەق نيوز/ سەرچەوەیگ ئەمنی، ئمڕوو یەکشەممە، خەوەردا لە کوشیان و زەخمداری چوار کەس لە ئەنجام رویداویگ هاتوچو دڵتەزن لە باکوور زیقار.

سەرچەوەگە ئەرا ئاژانس شەفەق نیوز وت: ماشینیگ لەریەگە دەرچگە لەوەر تونی رانین بەرزیگ و کەفتە ناو چەم وەفا لە ئاوای زیادات لە قەزای غەراف باکوور پارێزگای زیقار.

 سەرچەوەگە دیاری کرد کە رویداوەگە بویە هوکار کوشیان کەسیگ و زەخمداری سێ کەس ترەک، دووانیان برای مردیەگە بوینە.