کوشیان و زەخمداری پەنج کەس وە رویداویگ لە بەغداد
2024-07-05T13:14:46+00:00
شەفەق نیوز/ سەرچەوەیگ ئەمنی لە بەغداد، ئمڕوو جمعە، خەوەردا لە کوشیان و زەخمداری پەنج کەس وە رویداویگ هاتوچو باشوور خوەرهەڵات پایتەخت.
سەرچەوەگە ئەرا ئاژانس شەفەق نیوز وت: رانندەی ماشینیگ بارهەڵگر وە پیچەوانەو رانیاد نزیک کارخانەی خشت لە قەزای نەهرەوان، و داد لە ماتووڕسکڵیگ (سونەتە) کە بویە هوکار کوشیان چوار کەس و زەخمداری کەسیگ ترەک.
وتیش: هیزیگ ئەمنی رەسیە شوین رویداوەگە، و رانندەی لۆریەگە دەسگیر کرد، و تەرم قوربانیەیل ئەرا پزشک دادوەری کلکرد، و زەخمدارەگە ئەرا خەسەخانە.
