کوشیان و زەخمداری لە جەنگیگ هووزانە لە باشوور عراق

شەفەق نيوز - زیقار 

سەرچەوەیگ لە پولیس ناوخوەیی، ئمڕوو شەممە، خەوەردا لە کوشیان کەسیگ لەلای کەمەو، و کەسەیلیگ زەخمدار بوینە لە ئەنجام جەنگ هووزانەی سەختیگ لە باکوور خوەرهەڵات پارێزگای زیقار.

سەرچەوەگە ئەرا ئاژانس شەفەق نیوز وت: جەنگەگە لە قەزای دەوایە باکوور خوەرهەڵات زیقار بویە، و چەک ئاگری لەناوی وەکار هاوریاس، و دیاری کرد کە ئەو جەنگە لە ئەنجام مرافەیگ کوینە ناوەینیان قومیاس.

وتیش: ئەو جەنگ هووزانە بویە هوکار کوشیان کەسیگ و زەخمداری سێ ژن و پیاییگ، لە وەختیگ هیزەیل ئەمنی تەقەلا دەن کۆنتڕوڵ ناوچەی رویداوەگە بکەن.