کوشیان و زەخمداری ٥ کەس وە رویداو هاتوچو دڵتەزنیگ لە سەڵاحەدین
2022-12-27T11:33:13+00:00
شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو سێشەممە، خەوەردا لە کوشیان و زەخمداری پەنج کەس مەدەنی وە رویداو هاتوچو دڵتەزنیگ لە دەورگرد تکریت.
سەرچەوەگە ئەرا ئاژانس شەفەق نیوز وت: دوو کەس گیانیان لەدەسدان، و سێ کەسیش زەخمدار بوین، لە ئەنجام رویداویگ هاتوچو لەبان ری تکریت - دۆر باشوور خوەرهەڵات تکریت.
سەرچەوەگە وتیش: تیمەیل وەرگری شارستانی رەسینە شوین رویداوەگە و زەخمدارەیل ئەرا خەسەخانە رەسانن ، و دوو قوربانیەگە بردنە پزشک دادوەری.
سەرچەوەگە وتیش: رویداوەگە لەوەر بەدی ریەگە بویە ک کار خاسەوکردن هابانی و کریایە یەک ساید، وتیش: دەسەڵاتەیل هاتوچو لێکۆڵینەوە لە رویداوەگە واز کردن.
