کوشیان و زەخمداری ٧ کەس وە رویداوەیل هاتوچو لە دوو پارێزگای عراق
سەرچەوەیگ لە زیقار وە ئاژانس شەفەق نیوز خەوەردا، "ماشین پلیایە لەبان ری گشتی مابەین ناسریە و شەترە لە باکوور زیقار دەسوەجی رانندەگەی گیان لە دەسدەێد.
سەرچەوەگە وتیش" رویداو دویەم لەئەنجام لەیەکەداین دوو ماشین لەبان ری ناودەوڵەتی زیقار و بەسرە لە باشوور شار ناسریە، بویە هووکار مردن ئەندامیگ ئەمنی پۆلیس سنووری، و زەخمداری سێ کەسیش ک دوانیان ئەندام ئەمنین، زەخمدارەیل ئەرا نزیکترین بنکەی تەندروسی کلکریان و تەرمەگەش ئەرا پزیشک دادوەری بریا".
لە دیالە سەرچەوەیگ ئەمنی خەوەردا لە گیان لە دەسدان گەنجیگ بیس ساڵان لە باکوور خوەرئاوای بەعقوبە.
سەرچەوەگە وە ئاژانس شەفەق نیوز وت" گەنجیگ بیس ساڵان گیان لەدەسدا وە لەیەکەداین ماشینەگەی وەگەرد ماشینیگتر لەری بەغدا نزیک ناوچەی گسیرین 20کم باکوور خوەرئاوای بەعقوبە.
وتیش، تەرمەگە ئەرا پزیشک دادوەری کلکریاس و دەسڵاتدارەیل هاتوچوی رێکارەیل پێویست گردنەسەوەر.
