کوشیان و زەخمداری ٨ کەس وە دوو رویداو هاتوچو دڵتەزن باشوور عراق
2024-02-14T11:28:29+00:00
شەفەق نیوز/ دوو سەرچەوەی ئەمنی، ئمڕوو چوارشەممە، خەوەردان لە کوشیان و زەخمداری ٤ کەس وە رویداویگ هاتوچو باشوور پارێزگای زیقار، لە وەختیگ وەرگری شارستانی کەرەستەیل بڕین و چەکانن وەکار هاوردن ئەرا دراوردن تەرم چوار کەس لە ئەنجام رویداویگ هاتوچو ترەک لە پارێزگای واست.
سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری ناوەین زیقار و بەسرە لە ناوچەی تەل لەحەم لە ئەنجام لەیەکداین دوو ماشین یەکیگ ساڵۆن و ئەوەکە بارهەڵگر، بویە هوکار کوشیان ژنیگ و زەخمداری کەس ترەک.
سەرچەوەگە وتیش: هیزیگ ئەمنی رەسیە شوین رویداوەگە و تەرم قوربانیەگە ئەرا پزشک دادوەری برد، و زەخمدارەیلیش ئەرا خەسەخانە.
سىرچەوەگە وتیش؛ تیمیگ وەرگری شارستانی کەرەستەیل بڕین و چەکانن وەکار هاورد ئەرا دراوردن تەرمەیل لەناو ماشینیگ (سۆناتا) دویای رویداویگ وەگەرد ماشینیگ (ترێلە) لەبان ری حەولی لە ئاوای مزێبلە خوەرھەڵات ناحیەی جەسان لە پارێزگای واست.
