کوشیان و زەخمداری دوو مناڵ وە تەقیان جیماگەی جەنگی لە کەرکوک

شەفەق نیوز/ سەرچەوەیگ پزشکی لە کەرکوک، ئمڕوو دووشەممە، خەوەردا لە کوشیان مناڵیگ و زەخمداری یەکیگ ترەک، لە ئەنجام تەقیان جیماگەی جەنگی لە ناحیەی ریاز، باشوور خوەرئاوای پارێزگاگە.

سەرچەوەگە ئەرا ئاژانس شەفەق نیوز وت: ئەو مناڵە لە نزیک ئاوای شەهید لە ناحیەی ریاز،  45 كم وەرەو باشوور خوەرئاوای کەرکوک، بازی کردیان، هەناێ بومبیگ لە جیماگەی جەنگی تەقیەو، کە یەکیگیان کوشت، و ئەوەکە زەخمدار بوی.

سەرچەوەگە وتیش: هیزەیل ئەمنی رەسینە شوین رویداوەگە، و ریکارەیلیان جیوەجی کردن.

وتیش؛ پارێزگای کەرکوک هیمان زبان لە جیماگەیل جەنگی دیرێد کە ریخریاگ داعش هیشتەی جیەو، کە بویە هوکار کوشیان و زەخمداری بڕیگ کەس.