کوشیان و زەخمداری دوو کارمەن خاسەوکردن کارەبا لە زیقار
2022-12-24T09:36:56+00:00
شەفەق نیوز/ پارێزگای زیقار، ئمڕوو شەممە، کوشیان و زەخمداری دوو کارمەن لە فەرمانگەی کارەبای پارێزگاگە توومار کرد، ئەوەیش مەوقەی خاسەوکردن گیچەڵ تووڕ کارەبا لەوەر وارانە رفتەگە.
پەیامنێر ئاژانس شەفەق نیوز وت: دوو فەرمانبەر لە وەزارەت کارەبا کار کەن، یەکیگیان لە ناحیەی نەسر باکوور پارێزگاگە لەوێ تەزیان کارەبا مەوقەی خاسەوکردن گیچەڵ تووڕ کارەبا لەوەر وارانەگە گیانی لەدەسدا، و ئەوەکە لە شار ناسریە ناوەند پارێزگاگە ک ئەویش کەفتە وەر تەزیان کارەبا مەوقەی خاسەوکردن تووڕەگە لەژیر وارانەگە.
پەیامنێر ئاژانسمان وتیش: پارێزگاگە سەدان گیچەڵ و پەککەفتن لە کارەبا توومار کرد، ئەوەیش لەوەر ئەو واران رفتە ک وەڕیەوبەرەیل لقەیل کارەبای زیقار ئامادە باشی ئەرا گشت کادرەیلیان راگەیانن.
