کوشیان و زەخمداری ئاسایش وە پەلاماریگ وە نارنجەک وەلایەن بازرگانیگ چەک لە باشوور عراق

شەفەق نیوز/ سەرچەوەیگ ئەمنی خەوەردا هێزەیل دەزگای ئاسایش نیشتیمانی، شەفەق ئمڕوو سێشەممە، رویوەڕوی ئۆپراسیۆنیگ لە قەزای شەتولعەرەب لە خوەرهەڵات بەسرە.

سەرچەوەگە وە ئاژانس شەفەق نیوز وت، "هێزەیل ئەرکیگ ئەمنی جیۆەجیکردنە  ماڵیگ کردنەسە ئامانج کە ئەرا بازرگایکردن وە چەک هاوریاس هنای رەسنە ئەو شوینە، یەکیگ لە داواکریاگەیل وە نارنجەک پەلاماریان دەێد".

وتیش "لە ئەنجام پەلامارەگە کەسیگ لە ئەندامەیل هێزە ئەمنیەگە کوشیا و 6 کەسیش زەخمداربوین، دوانیان بارودۆخیان سەختە".

دیاریکرد، "هێزەیل وەپای رێکارەیل  مامەلە وەرد بارودۆخەگە کردنە، و لێکۆڵینەوە ڵە رویداوەگە وازکردن"  دیاریکرد "تەرم کوشیاگەیل ئمڕوو ئیوارە لە خاک نریەن".