کوشیان گەورەی هووزیگ لە مرافەیگ چەکدار لە میسان
2022-06-30T11:30:33+00:00
شەفەق نیوز/ سەرچەوەیگ لە ناحیەی سەلام لە پارێزگای میسان، ئمڕوو پەنجشەممە، خەوەردا لە کوشیان گەورەی هووز کریمات لە پارێزگاگە وەگەرد کەسیگ تر.
سەرچەوەگە ئەرا ئاژانس شەفەق نیوز وت: جەبار شغێنب کریماوی شێخ هووز کریمات لە مرافەیگ هووزانە لە ناحیەی سەلام لە سنوور ناوبەین پارێزگایل میسان و زیقار کوشیا، وتیش: کەسیگتریش لەو مرافە کوشیا.
سەرچەوەگە وتیش: هیمان هووکار ئەو مرافە نەزایاێە، وهیزەیل ئەمنی تەقەلا دەن کۆنتڕۆڵ ناحیەگە بکەن، دویای ئەوە ک ئاسایش ناوی کەفتە شیواشویگ.
