کوشیان کەیوانوویگ وە گولەی ویڵیگ لە ناوراس بەغدا
2022-08-30T08:43:45+00:00
شەفەق نیوز/ شایەتحاڵەیل، ئمڕوو سێشەممە، خەوەردان لە کوشیان ژن وە تەمەنیگ وە گولەی رویوەرویبویل چەکدارانە لە ناوچەی سەوز ناوراس بەغدا.
هاوڵاتیەیل ناوچەی کەرادە خەوەردار ئاژانس شەفەق نیوز کردن، ک " گوڵەی ویلیگ ک لە پێکدادەرەیل ناوچەی سەوز دەرچگە، شەوەکی ئمڕوو ژن وە تەمەنیگ ک 60 ساڵ وە بانە کوشتیە هەنای لە دەر ماڵەگەی دەرچگە لەو ناوچە لە جادەی ئەبو نەواس نزیک چەم دیجلە لە ناوراس بەغدا".
هاوڵاتیەیل وتن، " ژنە وە تەمەنەگە گیان لە دەسدایە لەمەوقەی تەقەلای دریایە قورتار بکریەێد لە گولەگە ک وەر پشتی کەفتیە گیان لە دەسدایەز گولەی رویوەرویبویەیل کەفتیەسە وەر ماڵ و ماشین و موڵک هاوڵاتیەیل ئەو ناوچەو دەوروگەردی.
