کوشیان ژنیگ وە پەلاماریگ چەکدار لە زاخۆ و خوەیکوشتن داڵگ شەش مناڵ لە نەینەوا

شەفەق نيوز/ دوو سەرچەوەی ئەمنی، ئمڕوو چوارشەممەر خەوەردان لە کوشیان ژنیگ گەنج لە ئەنجام پەلاماریگ چەکدار لە قەزای زاخۆ لە پارێزگای دهۆک، هەمیش توومارکردن خوەیکوشتن ژنیگ لە نەینەوا.

سەرچەوەگە ئەرا ئاژانس شەفەق نیوز وت: ژنە قوربانیەگە تەمەنی 26 ساڵ بوی تویش دوو گولە  هات  لە گەڕەک کارێز لەناوڕاس زاخۆ.

 وتیش: تەرمەگەی ئەرا پزشک دادوەری بریا، و لێکۆڵینەوە ئەرا رەسین وە بندروس رویداوەگە واز کریا.

هەرلیوار سەرچەوەیگ لە پارێزگای نەینەوا خەوەردا لە خوەیکوشتن ژنیگ لەناو ماڵەگەی لەلای چەپ شار موسڵ، لە رویداویگ دڵتەزن، مەزەنە کریەێد پەیوەندی وە گیچەڵ خیزانی داشتوود.

سەرچەوەگە ئەرا ئاژانس شەفەق نیوز وت: ژنیگ لە تەمەن 38 ساڵان لەناو ماڵەکەی لە گەڕەک قادسیە سانیە لەلای چەپ موسڵ خوەی دادە سێدارە.

وتیش: لێکۆڵینەوەی سەرتایی نشان دەێد کە قوربانیەگە گەیچەڵ لە زیان خیزانی و دەروینی داشتیە، کە شایەت لەوەر ئەوە خوەی کوشتیە، وتیش: ژنەگە داڵگ شەش مناڵ بویە.