کوشیان ژنیگ وە چەقوو و دەسگیرکردن بکوشەگەی لە بەغداد
2022-06-11T12:39:55+00:00
شەفەق نیوز/ سەرچەوەیگ ئەمنی لە بەغداد، ئمڕوو شەممە، خەوەردا لە کوشیان ژنیگ وە چەقوو لەوەر ناکۆکیەیل خیزانی لەناوڕاس بەغداد.
سەرچەوەگە ئەرا ئاژانس شەفەق نیوز وت: پۆلیس ئاگاداری لە ژنیگ وەرگرد ک کابرایگ خوەی ناسێدەی چەن دەسیگ چەقوو لە لەش خوەشکەی وەشانیە، و کوشتیەسەی، لەوەر ناکۆکیەیلیگ خیزانی، لە گەڕەک کیندی ناوڕاس بەغداد.
و دیاری کرد ک تەرمەگە ئەرا پزشک دادوەری کلکریایە، وپۆلیس توەنستیە بکوشەگە دەسگیر بکەێد.
