کوشیان گەنجیگ وە تەوەر و مردن و زەخمداری 3 کەس وە رویداو هاتوچو لە دوو پارێزگا

شەفەق نیوز/  دوو سەرچەوەی ئەمنی، ئمڕوو دووشەممە، خەوەردا لە کوشیان گەنجیگ وە تەوەر لەبان سەری لە پارێزگای نەجەف، مردن و زەخمداری 3 کەس وە رویداو هاتوچوی لە دیالە.

یەکیگ لە سەرچەوەیل وە ئاژانس شەفەق نیوز وت، " گەنجیگ بیس ساڵان وە چەقوو تیژیگ لە جویر ٓتەوەر کوشیایە دریاس لەبان سەری، لەوەخت مەرافیگ لە جادەی بەنزینخانە لەناوچەی گەرەک وەفا ناوڕاس پارێزگای نەجەف".

وتیش" سروشت مەرافەگە تا ئیسە نەزانیاگە، و تاوانبارەگە ئەرا شوین نادیاریگ وایە، دەزگایەیل ئەمنی تەرمەگە ئەرا پزیشک دادوەری کلکردنە". لەلایگیش، سەرچەوەیگ ئەمنی دیاریکرد، مناڵیگ مردیە و دوو کەسیش گیان لە دەسدایە وە رویداویگ هاتوچوی لە دەوروگەرد قەزای خانەقین باکوور خوەرهەڵات پارێزگاگە.

وە ئاژانس شەفەق نیوز وت، " دوێت مناڵیگ گیان لە دەسدایە و دووانیش زەخمدارن ک یەکیگیان باوگیە لە ئەنجام لەیکدان ماشین بویچگیگ وەگەرد بارهەڵگریگ لەری کەلار-خانەقین نزیک گەرەک عەسکەری".

وتیش" قوربانیەگە و زەخمدارەیلە لە یەک خانەوادە بوینە"، دیاریکرد " تەرم قوربانیەگە ئەرا پزیشک دادوەری کلکریایە و زەخمدارەیلەش ئەرا خەسخانەی کەلار دەسڵاتدارەیل هاتوچو لێکۆڵینەوە لە رویداوەگە