کوشیان مەدەنییگ وەدەس کەسەیلیگ نەناسریاگ لە دیالە

شەفەق نیوز/ سەرچەوەیگ ئەمنی لە دیالە، ئمڕوو چوارشەممە، خەوەردا ک کەسەیلیگ نەناسریاگ تەقە لە کابرایگ مەدەنی لە قەزای خاڵس کردن، و کوشتنەی.  

سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ تەقە لە تفەنگیان وەڕوی گەنجیگ ٣٥ ساڵان وەکووڵ ماتۆڕسکڵیگ لە نزیک ئاوای ئەبو تەمر خوەرهەڵات قەزای خاڵس کردن،  ک وەکوتپڕ گیانی لەدەسدا، و دیاری کرد ک هیمان هووکارەیل ئەو پەلامارە نادیارە.

سەرچەوەگە وتیش: هیزە ئەمنیەیلە رەسینە شوین رویداوەگە و تەرمەگە ئەرا پزشک یاسایی رەسانن، و لێکۆڵینەوە ئەرا زانستن تاوانبارەیل واز کردن.