کوشیان فەرماندەی وەرین پۆلیس زیقار و تەقینەوەیگ لەبان ماڵیگ لە نەجەف

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان فەرماندەی وەرین پۆلیس زیقار،  لیوای خانەشین حەسەن زەیدی وە رۊداویگ هاتوچو.  

سەرچەوەگە ئەرا ئاژانس شەفەق نیوز وت: لیوا زەیدی وە رۊداویگ هاتوچو لە خوەرئاوای شار ناسریە گیانی لەدەسدا،  هەنای ماشینەگەی لە ناوچەی گتیعە لەبان ری ناودەوڵەتی پلیا. 

سەرچەوەگە دیاری کرد ک زەیدی وەگەرد براگەی بۊ، و ئەویش کەفتە وەر زەخمداری سەختیگ.   هەرلیوا،  ماڵیگ لە قەزای کوفە لە نەجەف کەفتە وەر تەقیان بومبیگ دانریاگ، ک تەنیا بۊە هووکار زەرەدەیلیگ دارایی،  وەگورەی قسەی وەچەودیەیلیگ.  

جی باسە ک یە دۊەم گلەس ئی ماڵە وەماوەی کەمتر لە یەک مانگ بکەفێدە وەر پەلامار.