کوشیان کەسیگ وە چەقوو و پەلامار دو ماڵ وە نارنجە لە بەغدا و کەرکوک
2022-04-17T07:34:22+00:00
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە کوشیان کەسیگ وە چەقوو لە مەرافیگ لە مابەین ئاموزایلیگ لە خوەرهەڵات بەغدای پایتەخت.
سەرچەوەگە وە ئاژانس شەفەق نیوز وت، مەرافیگ لە مابەین ئاموزایەیل لە بەش 5 شار سەدر ئەوزەڵکردیە ئەرا وەکارهاوردن چەک چەرمگ( چەقوو) و بویە مدووی کوشیان کەسیگ لە لایەنە مەرافچیەیل ک چەقوو وەر زگی کەفیە.
سەرچەوەگە وتیش، کەسیگ لە داڵگبوی ساڵ 2006 تەقە لە سەر خوەی کردیە ئەرا خوەکوشتن وەگورەی قسەی باوگی ، تویش زەخمداری سەختیگ بویە لە بەش 27 شار سەدر لە خوەرهەڵات بەغدا.
سەرچەوەیگ لە پۆلیس ناوخۆ عراق باسکرد، چەکدارەیل نەناسریایگ ک سوار لە ماتۆرسکڵ بوینە ماڵ هاوڵاتیگ وە نارنجۆک کەنە ئامانج لە گەرەک "بەعس" لە کرکوک، هویچ زەرەرد گیانی نەکفتیە.
