کوشیان سەربازیگ و زەخمداری یەکیگ تر لەنزیک بنکەی هەلوەژاردن لە دیالە
شەفەق نیوز/ ئۆپراسیۆنەیل ئەمنی دیالە،ئمڕوو یەکشەممە، خەوەردا لە کوشیان سەربازیگ و زەخمداری یەکیگ تر وە رووداو تەقەکردن ئەرا چۊچانن بڕێ لە دەنگدەرەیل لەنزیک بنکەیگ هەلوەژاردن لە دەورگرد ناحیەی سەعدیە.
ئۆپەراسیۆنەگە لە بەیاننامەیگ رەسیە ئاژانس شەفەق نیوز وت: بڕێ لە خەڵکەگە نزیک ناوەند هەڵوژاردن مەکتەو ئەلموهتەدی بیلاە لە حەمرین – سەعدیە – قەزای خانەقین گردەو بۊین، و یەکیگ لە ئەندامەیل سوپا چەن تەقەیگ کرد تا خەڵکەگە بچۊچنێد،
وەگورەی قسەی ئۆپەراسیۆنەگە خ لە مەوقەی تەقەکردنەگە چەک کلاشینکۆفەگە لە دەسی داوەزیا و بۊیە هووکار زەخمداری هەر لە محمد یاسر حسؽن، وعەلی خزەیر لە فەوج سێیەم لیوای یەکەم فیرقەی ١ سوپای عراق، تا وەرەو خەسەخانەی گشتی موقدادیە بریان.
بەیاننامەگە وتیش؛ محمد یاسر لەوەر زەخمەیلی گیانی لەدەسدا.
وتیش؛ ئەو سەربازە ک تەقە کرد وەناو حەیدەر عەباس نیعمەت لەلایەن یاوەر فەرماندەی فەوج سێیەم دەسگیر کریا.
