کوشیان پەرەستاریگ وە دەس ئاموزاگەی وەگەرد گەنجیگ لە بارودۆخ نادیاریگ لە پارێزگایەیل جیاواز

شەفەق نیوز/ سەرچەوەیگ پزیشکی لە فەرمانگەی تەندروسی کەرکوک، خەوەردا کە فەرمانگەی پزیشک دادوەری تەرم گەنجیگ وە کوشیاگی لە بارودۆخیگ نادیار وەرگردیە لە ناوڕاس شارەگە.

سەرچەوەگە وە ئاژانس شەفەق نیوز وت، "پزیشک دادوەری کەرکوک تەرم گەنجیگ 30 ساڵان وەرگردیە کە لەری لێدن وە چەقوو گیان لەدەسداس" دیاریکرد "تەرمەگە لە کویچەی عەدەن ناوڕاس شارەگە پەیاکریاس".

سەرچەوەگە وتیش "قوربانیەگە خەڵک کویچەی خەزراس و دەزگایەیل ئەمنی لێکۆڵینەوە لە چۆنیەتی رویداوەگە وازکردنە".

کوشیان پەرەستاریگ وە گولە لەناو نۆرینگە لە کویچەی زهور خوەرهەڵات موسڵ.. توومەت وەلایەن پۆلیس دەسوەسەرکریا

سەرچەوەیگ ئەمنی لە پارێزگای نەینەوا خەوەردا لە کوشیان پەرەستاریگ وە گولە لەناو نۆرینگەی پزیشکی لە کویچەی زهور خوەرهەڵات شار موسڵ، دووپاتکرد لەدویای ماوەی کەمیگ لە رویداوەگە تاوانبار دەسگیرکریا.

سەرچوەگەوە ئاژانس شەفەق نیوز وت، "هاوڵاتیگ کە پیشەی خانمە پەرەستار بوی لە یەکیگ لە نۆرینگەیل پزیشکی لە کویچەی زهور خوڵرهەڵات موسڵ، لەدویای ئەوە راستەوخوەی تەقەلێ کرێد  وەلایەن یەکیگ لە کەسوکارەیلی لە وەخت کارکردنی گیان لەدەس دەێد".

ئاشکراکرد "توومەتبار کوڕ مەموو قوربانیەگەس، لە گوزەشتە خوازمەنی کردیە باوجی ئەو رەدیکردیە، یەیش هووکار ئەنجامداین تاوانەگەی ئمڕوو بویە" وتیش "دەوریەیل  پۆلیس توەنستن دەسوەجی دەسگیری بکەن و دەسبگرن وەبان چەکەگەی".

دیاریکرد "لێکۆڵینەوەیل وەرد توومەتبار وەردەوامە وەپای رێکارەیل یاسایی ئەرا دادگا کلکرێد".