کوشیان دویەتەگەی نەجەف ئاشکرا بوی.. گولەی دەزویران بویە
2023-05-25T07:01:32+00:00
شەفەق نیوز/ سەرچەوەیگ ئەمنی لە نەجەف، ئمڕوو پەنجشەممە، ئاشکرای هویردەکاری نوویگ لە رویداو کوشیان دویەتیگ خوەنەوار زانکۆ دویەکە لە پارێزگاگە، ک وت؛ رویداوەگە تاوانی بویە و گولەی ویڵ نەویە.
سەرچەوەگە ئەرا ئاژانس شەفەق نیوز وت: رویداو کوشیان دویەتەگە تاوان بویە و گولەی ویڵ نەویە، و لەو ناوچە ک رویداوەگە لەناوی بویە کامیرا هەس، ک دەوانچەیگ کۆلومبی لەو ناوە پەیا کریا ک تاوانەگە وەپی جیوەجی کریاگە.
سەرچەوەگە دیاری کرد ک تاوانکارەگە گابرایگە ٤ گلە هاتیەسە خوازمەنی دویەتەگە و رازی نەوینە، و هەنای دویەتەگە دەزویرانی وە کەسیگتر کردگە، ئەویش کوڵە لەلی گردگە و کوشتیەسەی، و وەرەو شوینیگ نادیار وایە.
دویەکە چوارشەممە، سەرچەوەیگ ئەمنی ئەرا ئاژانس شەفەق نیوز وت: دویەتیگ خوەنەوار لە زانکۆی کووفە، مەوقەی دەرچینی زانکۆ وەرەو کاڵ تویش گولەی ویڵیگ هات، ک لە هووش خوەی چگە، تا دویای ئەوە گیانی لەدەسدا.
