کوشیان دوو کەس و دەسگیرکردن تاوانباریگ وە دوو رویداو جیاواز لە بەغداد

سەرچەوەگە وە ئاژانس شەفەق نیوز وت "پۆلیس کەرخ دوو توومەتبار دەسگیرکردیە کە هاوڵاتیگ کوشتنە لەوەر گیچەڵیگ لەبان کوتە زەویگ لە ناوچەی یوسفیە لە باشوور بەغداد".

لەلایگیش، راگەیانن فەرماندەیی پۆلیس بەغداد رەسافە راگەیان "لەدویای ئەوەگ زانیاری رەسی لە هەبوین تەرمیگ کوشیاگ لەناو خەسخانەی مەدائن، ئەرا شوین رویداوەگە چین لە ناوچەی (مەدائن ـ خەناسە).

وتیش "تیمیگ کارکزدن پێکهاوردنە تایوەت وە سەرۆکایەتی وەڕێوەبەر بەش پۆلیس مەدائن و ئەفسەر بنکەگە و ئەفسەر و ئەندامەیلە، لەدویای کووەوکردن زانیاری دەرچگە تاوانبار لەری چەقوو برای خوەی کوشتیە لەوەر گیچەڵ خێزانی و وایە".

 راگەیانن پۆلیس وتیش، "وە وەختیگ پەیمانەیی ئەنجامدەر تاوانەگە دەسگیرکریا لەری کامیرەیل چەودێری و دانان کوڵەی قایمیگ ئەرای، دەسوەسەرکریا ئەرا تەواوکردن رێکار یاسایی وەگەردی".