کوشیان خوەنەواریگ و پیاویگ وەتەمەن وە دوو رۊداو تلیان لە بەغداد و کوشیان کەسیگ وە تەقەکردن لە دیالە

کوشیان خوەنەواریگ و پیاویگ وەتەمەن وە دوو رۊداو تلیان لە بەغداد و کوشیان کەسیگ وە تەقەکردن لە دیالە
2026-11-18T07:55:39+00:00

شەفەق نیوز - بەغداد / دیالە

سەرچەوەیگ ئەمنی، رووژ چوارشەممە، خەوەر دا لە گیانلەدەسداین خوەنەواریگ مەکتەو و پیاویگ وەتەمەن لە دوو رۊداو تلیان جیاجیا لە بەغدای پایتەخت، لە وەختیگ کەسیگ وە تەقەکردن کوشیا لە ناو شەڕیگ وەردەوەردەیگ لە ناوەین کەسوکارەیل لە پارێزگای دیالە.

سەرچەوەگە ئەرا ئاژانس شەفەق نیوز وت، کە خوەنەواریگ لەداڵگبۊ ساڵ 2015 گیان لەدەسدا دۊای وەرکەفتنی ئەرا رۊداویگ تلیان لە ماوەی رەدبۊنی لە جادەی گشتی لەناو ناوچەی یوسفیە لە باشوور بەغداد، و دیاری کرد کە تەرمەگەی  ئەرا فەرمانگەی پزیشک دادوەری بریا، لە وەختیگ هێزە ئەمنییەیل رانندەی ئەو ماشینە دەسگیر کردن کە بۊسە هووکار رۊداوەگە.

دیاری کرد کە پیاویگ گەورە لەتەمەنیش گیان لەدەسدا وە رۊداویگ تلیان لەبان جادەی سەرەکی دۆرە، لە نزیک وێستگەی سزەمەنی لوئلوئە، دۊای ئەوەگ ماشینیگ تون داگەسە پییا، وە ئاماژەداین وەرەو ئەوەگ کە هێزە ئەمنییەیل رانندەگە دەسگیر کردن و خستنەسەی زیندان.

 لە دیالە، سەرچەوەگە دیاری کرد کە کەسیگ لە ماوەی سەعاتەیل شەو کوشیاس، تەقەکردن لە ناو وەردەوەردەیگ چەکداری کە لە ناوەین کەسوکارەیل هەڵسیا لە ناحیەی خان بەنی سەعد، لە باشوور خوەرئاوای پارێزگاگە.

Shafaq Live
Shafaq Live