کوشیان خانمە مامووستایگ وە گولە لەناو ماڵەگەی لە نەجەف

شەفەق نیوز/ سەرچەوەیگ ئەمنی لە نەجەف، ئمڕوو دووشەممە، خەوەردا لە کوشیان خانمە مامووستایگ کە لەناو مەکتەویگ تایبەت ناوڕاس پارێزگاگە کار کەێد.

سەرچەوەگە ئەرا ئاژانس شەفەق نیوز وت: ئەو خانمە مامووستا کە بویە قوربانی، لەناو تەمەن بیس ساڵانە، و تەرمەگەی لەناو ماڵەگەی لە گەڕەک ئەنسار ناوڕاس شارە نەجەف پەیا کریا، کە وە دەس کەسەیلیگ نەناسیای وە گولە کوشیاس.

سەرچەوەگە دیاری کرد کە هاندەرەیل ناوانەگە هیمان لەلای دەسەڵاتەیل ئەمنی نادیارە، وتیش: تەرمەگە ئەرا پزشک دادوەری بریا، و لێکۆڵینەوە ئەرا رەسین وە بندروس رویداوەگە واز کریا.