کوشیان خانمیگ فەرمانبەر لە پەروەردە و زەخمداری کوڕەگەی وە رویداویگ تلیان لە بەغداد
2023-07-15T07:22:42+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان خانمیگ فەرمانبەر لە پەروەردەی رەسافە و زەخمداری کوڕەگەی و شویبراگەی، لە ئەنجام رویداویگ تلیان نزیک خەسەخانەی دەمار لە بەغداد پایتەخت.
سەرچەوەگە ئەرا ئاژانس شەفەق نیوز وت: شوی ئەو ژن قوربانبە ئەندام سەربازیە و چوینکە تەندروسی زەخمدارەیل خاس نەویە، ئەفسەر پولیس نەتوەنستیە قسەیان توومار بکەێد، وتیش؛ رانندەی ئەو ماشینە ک ئەو کەسەیلە تلانیە دەسگیر کریا.
