کوشیان پیاییگ وە دەس ئەفسەریگ سوپا و مردن و زەخمداری 4 کەس وە رویداویگ لە بەغداد
شەفەق نیوز/ سەرچەوەیگ لە پۆلیس ناوخوەیی، ئمڕوو یەکشەممە، خەوەردا لە کوشیان پیایگ وە دەس ئەفسەریگ لە سووپای عراقی و دوو کەس گیان لە دەسدا و دووانیش زەخمداربوین وە دوو رویداو جیاواز لە بەغدای پایتەخت.
سەرچەوەگە وە ئاژانس شەفەق نیوز وت، مەرافیگ لەناوەین دوو کەس دروسبویە هووکارەگەی نەزانریاس و یەکیگیان ئەفسەرە وە پلەی موقەدەم لە سووپا و رەسیەس ئەرا وەکارهاوردا چەک سووک لەناوچەی غەدیر خوەرهەڵات بەغداد.
وتیش؛ ئەفسەرەگە تەقە لە هاوساگەی کردیە لە ئەنجام دەسوەجی کوشیایە، دیاریکرد هێزە ئەمنیەیل رەسینەس شوین رویداوەاگە و ئەفسەرەگە وەپای رێکارەیل یاسایی دەسگیرکریاس.
هەمیش، دوو کەس گیان لە دەسدان و دووانیش زەخمداربوین وە رویداویگ هاتوچوی لەیەکەوداین دوو ماشین لە قەزای "ئەبو غرێب" وە وەرەو بەغداد.
دیاریکرد تەرمەیلە هەڵگریانە و زەخمدارەیل ئەرا چارەسەرکردن کلکریانە خەستەخانە.
.
