کوشیان پەیامنێریگ تەلەفزیۆنی لەئەنجام رۊداویگ هاتوچوو لەبان ری بەسرە
شەفەق نیوز - بەسرە / دیوانیە
سەرچەوەیگ لە وەڕێوەبەرایەتی هاتوچوو، ئمڕوو دوشەممە، خەوەردا لە کوشیان پەیامنێر کەناڵ رووداو هەواڵی کوردی "هەڵکەوت عەزیز" لەئەنجام رۊداویگ هاتوچوو کە تویشی بوی لەبان ئەو ریە کە بەغداد و بەسرە وە یەکەو بەسێد لەناو سنوورەیل پارێزگای دیوانیە، لە باشوور وڵاتەگە.
عەزیز وەرەو باشوور وڵاتەگە چیاد ئەرا رووماڵکردن رۊداویگ هاتوچوو کە دۊکە رۊدا و بویە هووکار مردن دەیان کەس، وەرجە ئەوەگ تویش رۊداوەگە بوود لە مەوقەی چگنی ئەرا جیوەجیکردن ئەرکە رووژنامەوانییەگەی.
سەرچەوەگە ئەرا ئاژانس شەفەق نیوز وت: رۊداوەگە لەبان ری سەرەکی لەناوەین بەغداد و بەسرە رۊداگە، و دیاری کرد کە لایەنە تایبەتمەنەیل دەسوەجی دۊای رۊداینی دەسوەردان کردنە و دەسمیەتی پیشکەش کردنە، لە وەختیگ عەزیز بریاسە یەکیگ لە خەسەخانەیل دیوانیە، کە لەوەر زەخمەیلی گیان لەدەس داگە.
وتیش: لێکۆڵینەوە سەرەتاییەیل هێمان وەردەوامن ئەرا زانین مدووەیل رۊداوەگە و وردەکارییەیلی، وەبی ئاشکراکردن وردەکارییەیلیگ زیاتریگ لەباوەت رەوشەیل رۊداینی.
هەڵکەوت عەزیز وە یەکیگ لە رۊە راگەیاننە ناسریایەیل لە گۆڕەپان رووژنامەوانی دانریەێد، و لە خەڵک پارێزگای کەرکووکە، و لە ماوەی ساڵەیل گوزەشتە کار لەبان رووماڵکردن فرەیگ لە رۊداوەیل سیاسی و ئەمنی و خزمەتگوزارییەیل لە پارێزگا جیاجیایەیل عراقی کردگە لەڕی راپۆرتە مەیدانییەیلییەو.
