گورزیگ ئاسمانی عراق مەفرەزەیگ داعش لەناودەێد
شەفەق نیوز/ شانەی راگەیانن ئەمنی، ئمڕوو یەکشەممە، وەشیان گورزیگ ئاسمانی لەبان مەفرەزەیگ سەروە داعش راگەیان، لە ناو ئۆپراسیۆنەیل سەڵاحەدین.
شانەگە لە بەیاننامیگ رەسیە ئاژانس شەفەق نیوز وت: وەگورەی زانیارییەیل هەواڵگری لە شانەی ئامانجکردن سەروە فەرماندەی ئۆپراسیۆنەیل هاوبەش لە سەڵاحەدین، مەفرەزەیگ تیرۆریستی لەناو ماشینیگ پیکاب رەوانگە کریا، و فڕۆکەی سوپای عراق دوو گورز ئاسمانی وە فڕۆکەی سیزنا کەرەڤان لەبان ئی مەفرەزە لەباکوور دەریاچەی سەرسار جیوەجی کرد، ک دوو ئەندام لە چەتەیل داعش تیرۆریست کوشت.
بەیاننامەگە وتیش: لەو وەختیشە هیزیگ هاوبەش لە فەرماندەی ئۆپراسیۆنەیل جەزیرە دەسکردە جیوەجیکردن ئەرکیگ لە بیاوان سەرسار، و گورزیگ ئاسمانی جیوەجی کرد، بویە هووکار کوشیان تیرۆریست سێیەم.
وتیش: دووپات لە کوشیان ٣ ئەندام تیرۆریست لەی ئۆپراسیۆنە کریا، و هیزە ئەمنیەیلە ماشینیگ بارهەڵگر مارکەی کەیا پەیا کرد، و تەقەمەنی لەنای بوی.
