گورجەوبوین جویلەی گواستنەوە.. 9 تانکەر لە بەندەر نەفتی بەسرە گردەوبوینە کە گەپترین شمارەس لە مانگ شوبات تا ئیسە
2026-08-20T10:31:49+00:00
شەفەق نیوز ـ بەسرە
سەرچەوەیگ لە بەندەرەیل عراق، ئمڕوو پەنجشەممە، راگەیان نۆ تانکەر نەفتی ئیسە لە بەندەر بەسرەن و چەوەڕێ بارکردن نەفت خامن.
سەرچەوەگە وە ئاژانس شەفەق نیوز وت، پەنج تانکەر ئیسە لە بەندەر نەفتی بەسرە لە پڕکریانە ئەرا پرۆسەی بارکردن نەفت خام، لەوەختیگ چوار تانکەر ترەک چەوەرێ نۆرەیان کەن.
دیاری کرد کە شمارەیل گشتی بریتییە لە نۆ تانکەر " کە یەکیگە لە گەوراترین شمارەی تانکەرەیلە کە لە بەندەرە نەفتییەیل باشوور لە شوبات گوزەشتەو تا ئیسە گردەوبوینە".
