چەودێری دارایی راپۆرت ساڵانەی ساڵ 2025 دادە دەس دادگای عراقی
2026-08-10T09:04:58+00:00
شەفەق نیوز ـ بەغدا
سەرۆک ئەنجومەن دادوەری باڵا فایەق زێدان، ئمڕوو دووشەممە، راپۆرت ساڵانەی دیوان چەودێری دارایی فیدراڵی ئەرا ساڵ 2025 وەرگرد.
ئەنجومەن دادوەری باڵا لە بەیاننامەیگ وت: زێدان پێشوازی لە سەرۆک دیوان چەودێری دارایی فیدراڵی عەمار سوبحی کرد.
وتیش؛ لە وەخت دیدارەگە راپۆرت ساڵانەی دیوانەگە ئەرا ساڵ 2025 رادەس کریا.
دیاریکرد، ئەنجومەن نوێنەرەیل عراق لە 21 تەموزی گوزەشتە، تاوتوێ راپۆرت دیوان چەودێری دارایی فیدراڵی ئەرا ساڵ 2025 کرد لەبان بەشداربوین دیوان لە بەرەنگاربوین و وسانن گەندەڵی، کە وەرەوڕووی رەخنەی پەرلەمانتارەیل بویە وە مدوو چوڵەوبوین لەو بڕ پولەیلە کە وەزیای چگنە، و نەوردن ناو ئەو کەسەیلە کەفتنەسە ناو دۆسیەیل گەندەڵی دارایی و ئیداری.
