واشینتون گفتوگۆ وەل عراق وە دەرفەتیگ دانەێد ئەرا کازمی

شەفەق نیوز/ راپۆرتیگ لە وەزارەت دەرەوەی ئەمریکا، ئمڕوو جومعە، خەوەردا ک دادوەری عراقی زیان دوینێد لە خود گەندەڵیە بڵاوەبیەگە ک کاریگەری لە بان حکومەت عراقی کردگە.
وەگورەی هەڵسنگاندنیگ ئەرا وەزارەت دەروە، ک کەفتە دەس گۆڤار فۆرین پۆلیسی ئەمریکی، وەڕیەوبەری دۆناڵد تڕامپ سەرۆک ئەمریکی، هەست کەێد وە نیگەرانی لەوە ک عراق پابەند وە رێکارەیل ماف مرۆڤ وەرانەور دەسگیرکریاگان نەوود. گۆڤارەگە ئاماژە دەێد ک سیستم یاسای عراقی هەڵکەفیاگە لەوەر کەمی دادوەرەیل، و قەرەباڵغی شوونەگانی، و وەکارهاوردن بەرتیل، جوور ئاماژەیگ ئەرا سەختی ئەرکەگە ک زیان وه‌ عراق دەێد لە ئەنجام گەندەڵی، ک پارەکە ناڕەزایەتیە گەوراگان دژوە حکومەتەگە به‌رزه‌و كرد.
راپۆرتەگەی وەزارەت دەرەوە ک رەوانەی کۆنگرس کریا لە نیسان وەرین وت؛ رەوش ئەمنی وسیاسی عراق دادوەری وەلاوازی هێشت، وجەختی هابان بەشەیلیگ تر لە حکومەتەگە.
هەڵسەنگاندن وەزارەت دەروەی ئەمریکی، ئاماژەیش دا ک سیستم دادگای عراقی وە کۆنتڕۆڵ داعش لەبان بەشەیل گەورایگ لە وڵاتەگە کاریگەری داشتن وئەوگ لەشوینی هات بویە قاوداینی، چوینکە بەغداد زیاندارە لە کەمی دادوەرەیل وەتوانا، وتومەتبارە وە گیرهاوردن گومانلیکریاگەیل وە پەیوەندی وەل ریخریاگ داعش، لە مانگەیل گیرهاوردنیان وەرجە دادگایکردن، وەبی پەیوەندییان وەل جهان دەیشت.
رێكخراو هیومن رایتس ووچ، لە کانون یەکەم ٢٠١٧ مەزەنەکرد ک وه‌ گومان پەیوەندییان وەل داعش، هێزەیل عراق ٢٠ هەزار زیندانی گیرهاوردگە.
رێکخراوەیل نا حکومەتی ک هەڵسەنگاندن وەزارەت دەروە کردنە بنەما، وتن؛ دەسگیرکریایەگان نێەتوێەنن رەت یاسایی بڕیار دەسگیرکردنیان بکەن، وفرەجار ناچار مینن ئەرا بەرتیل داین تا تومەتەگان بسڕنەو.
هەرچەن وەزارەت دەروە نیگەرانە لەباوەت رەوش خاسسازی عراقی، بەشیگ لە ئەندامەیل کۆنگرس دوینن ک گفتوگۆی ناوبەین بەغداد و واشینتون، ک روژ پەنجشەممە دەسکردەپی، دەرفەتیگە ئەرا پشتگیری پەیوەندیەگان ئەمریکا وەگەرد عراق، لەسای کەمەوبوین ناکۆکیەگان وەل ئیران.
گۆڤارە ئەمریکیەگە لە قسەی سیناتۆر وەرین کریس مۆڕفی ئەندام دەسەی پەیوەندیە دەیشتیەگان باس کەێد؛ ک بایەسە ئەمریکا گفتوگۆە ستڕاتیژیەگە جوور سەرەتایگ وەکاربارێد ئەرا مامڵه‌ وەل حکومەت عراق، ئەرا چه‌سپانن ئارامییگ ماوە دریژ لە وڵاتەگە.
مۆڕفی هەمیش وت؛ گفتوگۆەگان جوور دەرفەتیگە ئەرا دەسمیەت موستەفا کازمی سەرۆک وەزیر نوو، لە ئەوەیگ پەیوەندیدارە وە گەندەڵی وپەیاکردن خوەشگوزرانی ئی نەتەوە ک ساڵەیل جەنگ تەلاشی کرد.
وتیش؛ ئەیە ئامانج بەرزیگە گرنگی وەپیدان دوبلۆماسی وەردەوامێگ وپشتگیری دارایی ئەمریکا خوازێد، ولە خود ئێ وه‌خته‌ فرە گرنگە ئەرا ئاسایش نەتەوەیی ئەمریکی، وئارامی درێژ ماوه‌ی هەرێمەگه‌ .