چوار کەس لە باشوور عراق کەنجیگ وە چەقو کوشن

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشتن کەنجیگ وە چەقو لە پارێزگای زیقار  باشوور عراق.

سەرچەوەگە ئەرا ئاژانس شەفەق نیوز وت: گەنجیگ ٣٠ ساڵان لە ناحیەی نەسەر لە پارێزگای زیقار وەچەقو کوشیا.

وتیش؛ هێزە ئەمنیەگان توێنستن دویای چەن ساعەتیگ لە جیوەجیکردن تاوانەگە، تاوانبارەگان دەسگیر بکەن، و ژمارەیان ٤ کەسە، سێیان لەلیان لە شار ناسریە دەسگیر کریان، و توومەتبارە سەرەکیەگە لە پارێزگای موسەنا دەسگیر کریا.

سەرچەوەگە وتیش؛ هەواڵەی تاوانبارەگان ئەرا لایەنە داواکەرەگان کریا تا ریکارەیل لێکۆڵینەوە وەگەردیان تەواو بکریەێد.