چوار زەخمدار لە جەنگ هووزانە و پەلاماریگ چەکدار لە باشوور عراق
2024-05-26T09:21:03+00:00
شەفەق نیوز/ دوو سەرچەوەی ئەمنی، ئمڕوو یەکشەممە، خەوەردان لە زەخمداری کراکاریگ لە چێشتخانەیگ میللەتی وە پەلاماریگ چەکدار لە زیقار، لە وەختیگ سێ کەس لە جەنگیگ هووزانە لە پارێزگای میسان زەخمدار بوین.
یەکیگ لە سەرچەوەیل ئەرا ئاژانس شەفەق نیوز وت: سێ کەس وە تەقەکردن وەرانوەر یەکتر زەخمدار بوین، لەبان گرفتیگ هووزانەی کوێنە لە ناحیەی خێر لە پارێزگای میسان.
سەرچەوەیگ ترەک وت: مرافەیگ لەبان پویل خواردن لەناو چێشتخانەیگ میللەتی لە دەورگرد قەزای شەترە باکوور زیقار رەسیە جیوەجیکردن پەلاماریگ وەلایەن کەسیگ لەبان چێشتخانەگە، و بویە مدوو زەخمداری کراکاریگ.
سەرچەوەگە وتیش؛ هیزیگ ئەمنی رەسیە شوین رویداوەگە و زەخمدارەگە ئەرا خەسەخانە کلکرد، و رەسیە ماڵ پەلاماردەرەیل و دەسگیریان کرد.
