واران و وەفر لە سەرتاسەر عراق
شەفەق نیوز/ چەودێر کەشناسی، ئمروو دوشەممە، ئاشکەرای پیشکەفتنەیل پسای کەشوهەوا لە سەرتاسەر عراق و هەرێم کوردستان کرد، فرەیگیان لە دۊیەوشەوەو رۊیوەرۊی وان و وەفر بۊینە.
چەودێریکەر سادق عەتیە لە پۆستیگی ک ئاژانس شەفەق نیوز ئسفای کردیە ئۊشێد؛ واران وەردەوام بوود لە بەغدای پایتەخت و بابل و کەربەلا، تاکو ئمڕوو نیمەروو، کەمەکەمە لە دۊیای نیمەروو وسێد.
باوجی لە دیالە لە شەو وسێد" وتیش" واران وەفری جاروەجار وەردەوام بوود لە موسڵ، وەگەرد بەردەوامی دەرفەت وەفر وارین لە باکوور شنگال دیرێد لەماوەی نیمەروو یان ئمشەو".
دیاریکرد " پرزەی کەمیگ لە واران دەسوەپی کەێد لە نەجەف لەماوەی ئایندە لە نیمەروو کۆتایی وەپی تێد وەگەرد دەرفەت وەفر وارین".
وتیشی: "واران وارین سوکیگ لە ساعاتەیل دۊیانیمەروو یا ئیوارە لە میسان و بەسرە و زیقار وبیاوان سەماوە دەس وەپی کەێد و شەو کۆتایی تێد، دڵۆپەیل پەرشوبڵاو بەردەوام مینێد، واران کەمیگ وەردەوام مینێد لە بەشیگ لە واست لەماوەی شەو کۆتایی وەپی تێد.
عەتیە، وتیش: "دیوانیە و سەماوە دەرفەت وارانی کەمیگ دیرن ، وەگەرد کۆتایی هاتن وە دەرفەت وارانوارین لە ئەنبار و فرەیگ ناوچەیل نەینەوا" وتیش: "واران تا ئیوارەی ئمڕوو لە سلێمانی و دیالە و هەولێر و باکوری سەڵاحەدین وەردەوام بوود" وتیش: "وەفر تا شەوەکی رووژ سێشەممە لە ناوچە نزمەیل شار سلێمانی وەردەوام بوود و لەوانەگ ناوچەیل خوارگ هەولێر و باکوری کەرکوک و باکور دیالەش رۊیوەرۊ وەفر وارین بوون".
وتیش: "وەفریگ تیکەل وە واران لە فرەیگ لە بەرزاییەیل دهۆک چەوەڕی کریەێد".
