هێزیگ هاوبەش چوودە ناو «سعلووە» و خوەیکوشیگ لە سەڵاحەدین لەناودەێد
2020-12-08T11:40:21+00:00
شەفەق نیوز/ هێزیگ هاوبەش لە فەرماندەی ئۆپراسیۆنەگان سامەڕا و حەشد شەعبی، ئمڕوو سێشەممە، توێنست وە ئۆپراسیۆنیگ ناکاوی لە باشوور پارێزگای سەڵاحەدین خوەکوشیگ لەناو بەێد.
راگەیانن حەشد شەعبی لە بەیاننامەیگ رەسیە ئاژانس شەفەق نیوز وت: هێزیگ لە سریەی فریاکەفتن سەروە لیوای ٤١ لە حەشد شەعبی، و هاوکاری هێزیگ لە لیوای موغاویر ئۆپراسیۆنەگان سامەڕا و فەوج ١٣ ئۆپراسیۆنیگ ناکاوی لە ناوچەی سعلووە لە باشور سەڵاحەدین جیوەجیکرد.
و دیاریکرد ک هێزەگە کەفتە رویوەڕوبینییگ لە مەوقەی وەشکینەگان وەگەرد یەکیگ لە ئەندامەیل داعش و کوشتەی، ئیجا دەرکەفت ک پشتین تەقینەوە بەسایود، تا وەشیوەیگ گونجیاگ چەکاننەی، وهەمیش موبایل لەلای خوەیکشەگە دینەو.
