هیزیگ ئەمنی ئەمار ئاگربازی لە خانەقین تەقنێدەو
2022-07-28T10:00:43+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە تەقانن ئەماریگ ئاگربازی لە دەورگرد قەزای خانەقین، لەلایەن هیزیگ ئەمنی.
سەرچەوەگە ئەرا ئاژانس شەفەق نیوز وت: هیزیگ تایبەت لە بەعقوبە هاتگە، ئەو ئەمار چشتەیل ئاگربازیە لە دەورگرد خانەقین تەقانەو، لە دویای ئەو تەقینەوە ک لەناو ئەماریگ ئاگربازی لەناو شارەگە ک بویە هووکار ٣ قوربانی ودوو زەخمدار لە کریکارەیل کارخانەگە.
سەرچەوەگە وتیش: هیزە ئەمنیەیلە دەسکردنە وەشکین و مینەکردن شوینەیل ئاگربازی قەیەغە، تا ئەو رویداوەیل مەرگبارە دووارە نەوون.
