هێزە ئەمنیەیل عراق دەسنەنە بان 16 ڤیزەی ساختەی ئەفغانستان و چوار کەس بیانی دەسگیر کەن
شەفەق نیوز/ دەسەی دەروازە سنوورییەیل عراق، ئمڕوو دووشەممە، راگەیان کە تەقەلای قاچاخی ١٦ ڤیزەی ساختە لە دەروازەی سنووریی شەلامچە لە باشوور وڵات پویچەڵ کردگە.
قسەکەر دەسەگە، عەلا ئەلقەیسی، ئەرا ئاژانس شەفەق نیوز وت: مەفرەزەیل وەرێوەبەرایەتی دەروازە سنوورییەیل شەلامچە، وە هاوکاری دەزگای هەواڵگریی نیشتمانیی عراق، توەنستن ریواریگ بیگانە دەسگیر بکەن کە خاوەن 16 ڤیزەی ساختەی ئەفغانی بوی، کە لەناو جانتیاگ لەناو زەرف کاغەزین شاریاودەو.
دیاری کرد کە ریکارەیل یاسایی وەرانەور توومەتبار جیوەجی کریا، و راپۆرت دەسگیرکردن فەرمی ئامادەکریا، وەگەرد ئەو چشتەیلە رەوانەی بنکەی پولیس شەلامچە کریا ئەرا تەواوکردن لێکۆڵینەوە.
لە پیشهاتیگ جیا، فەرماندەیی ئۆپەراسیۆنەیل بەغدا لە پایتەخت عراق راگەیان کە لە ماوەی 24 ساعەت گوزەشتە ئۆپەراسیۆنە ئەمنییەیل ئەنجام دریان، لەو ماوەی شمارەیگ توومەتبار دەسگیر کریانە، لەناویان چوار کەسی بیگانە دەرکەفتنە کە سەرپێچی مەرجەیل نیشتەجییوین و رەگەزنامەیان کردنە.
لە بەیاننامەیگ رەسیە ئاژانس شەفەق نیوز وتیش: دەسنریا وەبان چەک و فیشەک بی مووڵەت و مادەی هووشبەر و کەرەستەیل وەکارهاوردن هووشبەری، بیجگە لە بڕیگ ماشین و ماتووڕسکڵ کە سەرپێچی یاسای هاتوچو کردنە لە هەردوگ دیم کەرخ و رەسافە، یەیش لە چوارچیوەی تەقەلایل بەرزکردن ئاسایش و ئارامی و ریگریکردن لە هەر هەڕەشەیگ لەبان بیوەیی هاووڵاتیەیل
