هیزگردن ئاگر لە 10 دۆنم خەلەی گەنم لە باشوور کەرکوک
شەفەق نیوز ـ کەرکوک
شەفەق نیوز - کەرکووک
ئاگریگ، ئمڕوو شەممە، لە ناو نزیکەی 10 دۆنم لە خەلەلیل گەنم لە نزیک ناحیەی تازە خورماتوو باشوور پارێزگای کەرکووک هیزگرد، و تیمەیل وەرگری شارستانی کەفتنە کۆنترۆڵکردن و نواگیری کردن لە ئەوزەڵکردنی ئەرا ناوچەیل نزیک.
سەرچەوەیگ ناوخوەیی ئەرا ئاژانس شەفەق نیوز وت: ئاگرەگە لە وەخت رووژ هیزگزدیەس ناو زەویەیل کشاوەرزی کە کەفێدە ناوەین ئاوایی بەشیر و ناوچەی تەل جەمالیە سەر وە ناحیەی تازە خورماتوو، و بویە مدوو ئامادەباشی تیمەیل وەرگری شارستانی و چگنیان ئەرا شوین رویداوەگە.
وتیش: تیمەیل ئاگرکپەوکردن دەس کردنەس وە کارەیل کپەوکردن ئاگرەگە وە وەکارهاوردن ئامێرە تایبەتەیل خوەیان، و توەنستن ئاگرەگە ئاخڵە بدەن و نەیلن بڕەسێدە زەویەیل کشاوەرزی دەوروگەردی و ئی کارەیش بویە مدوو کەمکردن قەوارەى زەرەد و زیانەیل.
ئاشکرایکرد، ئاگرەگە نزیکەی 10 دۆنم زەوی کشاوەرزی سزانیە، وەبی توومارکردن زەرد گیانی یا زەرد رەسانن وە بینا نیشتەجیبوینەیل نزیکی.
