هیزگردن ئاگریگ لەناو خەسخانەی گشتی فەلوجە.. وینە
2022-04-17T13:08:41+00:00
شەفەق نیوز/ وەڕێەوبەرایەتی وەرگری شارستانی، ئمڕوو یەکشەممە، کپەوکردن ئاگر کەڕەڤانەیل ناو خەسەخانەی گشتی فەلوجە لە پارێزگای ئەنبار راگەیان.
لە بەیاننامیگ رەسیە ئاژانس شەفەق نیوز وت: تیمەیل وەرگری شارستانی توەنستن ئاگریگ لەناو دوو کەرەڤان وەگەرد ئامێرەیل سەردەوکردن مەرکەزی لە خەسەخانەی گشتی فەلوجە لە پارێزگای ئەنبار کپەو بکەن.
بەیاننامەگە وتیش: تیمەیل وەرگری شارستانی بڵویزەگە جیاوە کردن و کپیەو کردن وەبی وسیان کار خەسەخانەگە، و دووپات کرد ک ئاگرەگە وەبی زەخمداری وەگەرد کەمەوکردن زەرەدەیل دارایی کۆتایی وەپی هات.
وەڕێەوبەرایەتی وەرگری شارستانی باس هووکارەیل رویداوەگە کرد ک لەوەر پەڕین بەڵاچەی ئاگر زوڵدان بویە.
