هێزهیل عراقی حهسیبهێ ڕومادی ئازادكردن
![هێزهیل عراقی حهسیبهێ ڕومادی ئازادكردن](https://media.shafaq.com/media/archive/files/Archive.jpg)
كاروهدهسێگ مهحهلییش وتگه: شهوهكی ئمڕوو كاروانێگ له جهنگاوهرهیل حهشد شهعبی و سوپاێ عراق له پایگاێگ نزیك شار ڕومادی دهرچینه و وهرهو ناوچهیل ژێر كۆنترۆل چهكدارهیل داعش كهفتنهسه ڕێ.
عهزال عوبێد ئهندام ئهنجومهن پارێزگاێ ئهنبار لهی باوهته وتگه: سهدان چهكدار ك ههفتهێ گوزهیشته له شوون كۆنترۆڵ كردن ناوچهێ خالدیه له لايهن چهكدارهیل داعشهو، رهسوينه پایگاێ حهبانیه، ئیسه هانله نزیك ههردو شاروچكهێ سهدیقیه و نزیك ڕومادی.
له وهختێگ هێزهیل حكومهتی خوهیان ئاماده ئهكهن ئهڕا كونترول كردنهوهێ ڕومادی، چهكدارهیل داعش وهرهو شار فهلوجه پێشڕهوی ئهكهن و ئهخوازن زهوی زیاترێگ له پارێزگاێ ئهنبار داگیر بكهن تا له بهغداێ پایتهخت نزیكهو بوون.