هيزيگ له حه‌شد شه‌عبى "سه‌دام حسێن" له كه‌ركوك ده‌ستگير كرد
شه‌فه‌ق نيوز/ حه‌شد شه‌عبى, ئاشكراى ده‌سگيركردن چه‌كداريگ كرد له ريكخرياگ تيرۆريستى داعش ك ناسرياگه وه "سه‌دام حسێن", ئه‌ويش له‌ڕێ پرووسه‌يگ ئه‌منى له باشوور خوه‌رئاواى كه‌ركوك.
له‌و باوه‌ته‌و، شانه‌ى ره‌سانن جه‌نگى سه‌ر وه حه‌شد له به‌ياننامه‌يگ ك له‌بان ماڵپه‌ڕ فه‌يسبوك بڵاوى كرد، وت: دوياى ده‌سكه‌فتن زانيارى پڕ دقه‌تيگ هه‌واڵگيرى، ئه‌و تيرۆريست داعشه ك ناسرياگه وه سه‌دام حسێن ساڵح حه‌مدونى له 25 يۆليۆ 2019 له‌لايه‌ن هه‌واڵگيرى هيز ئيمامه‌ين و فه‌وج دويه‌م مغاويره‌و له كه‌رت ناحيه‌ى مولته‌قاى مه‌لا عه‌بدوڵڵا له باشوور خوه‌رئاواى كه‌ركوك ده‌سگير كرياگه.
جى باسه، به‌ياننامه‌گه يه‌يش ده‌رخست ك حه‌مدونى خه‌ڵك ديم راس شار موسڵه و كار له كه‌تيبه‌ى زانياريه‌يل هه‌واڵگيرى داعش كردگه‌و ئاماژه‌يش وه ئه‌وه كرد ئامووزاگه‌يشى وه‌ناو ئه‌بو له‌يس ئه‌نسارى والى موسڵ بويه له‌ساڵ 2014.
