هيزه‌يل عراقى له رومادى ڕى ده‌سميه‌ت له داعش بڕينه
2015-08-15T09:03:27+00:00
له‌ى باوه‌ته‌و، بات رايدر قسه‌كه‌ر وه‌ناو سه‌ركردايه‌تى ناوه‌ندى ئه‌مريكى له لێدوانه‌يلى ئه‌را رووژنامه‌نويسه‌يل ك(شه‌فه‌ق نيوز)ئاگادارى بوى، وت: هيزه‌يل عراقى له ماوه‌ى هه‌فته‌ى چواره‌ميان پيشڕه‌وى خاسيگ وه‌ده‌سهاوردنه ئه‌را دويره‌وخستن چه‌كداره‌يل ريكخرياگ داعش له رومادى.
رايدر باس له‌وه‌يش كرد ك ئامانج له‌و پيشڕه‌ويه بڕين خه‌ته‌يل په‌يوه‌ندى بويه وه‌خاتر نواگيرى له ره‌سين هه‌ر ده‌سميه‌تيگ ئه‌را ئه‌و ريكخرياگ ترۆريستيه له رومادى و هه‌ر وه‌و خاتريشه هيزه‌يل عراقى كرده‌وه‌يليگ پڕ مه‌ترسى و سه‌خت ئه‌نجام دانه ئه‌را ئابڵوقه‌داين شاره‌گه‌و برين ڕى ده‌سميه‌ت له داعش.
