هيزه‌يل عراقى ده‌سكردنه ئۆپراسيۆنيگ سه‌ربازى تا مه‌رز سوريا و ئوردن
شه‌فه‌ق نيوز/ هيزه‌يل چه‌كدار عراقى، ده‌سكرنه ئه‌نجامداين پرووسه‌يگ سه‌ربازى فراوان له چه‌ن محوه‌ريگه‌و له پاريزگاى ئه‌نبار له خوه‌رئاواى وڵاته‌گه‌و تا مه‌رزه‌يل وه‌ل سوريا و ئوردن.
له‌و باوه‌ته‌و، عه‌بدولئه‌مير ره‌شيد ياره‌ڵڵا جيگر سه‌ركرده‌ى فه‌رمانده‌يى هاوبه‌ش، له به‌ياننامه‌يگ وت: ده‌مه‌و شه‌وه‌كى 12ى شوبات 2020 ئمڕوو ئوپراسيۆن پاڵه‌وانه‌يل عراق/ قۆناغ يه‌كه‌م ده‌س وه‌پيكردگه‌و له‌تى سه‌ركردايه‌تى هيزه‌يل پياده‌و سه‌ركردايه‌تى فه‌رمانده‌يى به‌غدا و سه‌ركردايه‌تى پاسه‌وان مه‌رزه‌يل و كه‌رته‌يل تر به‌شدار بوينه.
ياره‌ڵڵا وت: ئى ئۆپراسيۆنه له‌وه‌ر وشكانن و پاكه‌وكردن پاريزگاى ئه‌نبار و ناوچه‌يل ده‌ورگرديه له مه‌رزه‌يل عراقى - سوورى - ئوردنى و مه‌رزه‌يل جياكه‌ر وه‌ل سه‌ركردايه‌تى فه‌رمانده‌يى فورات ناوڕاس و فه‌رمانده‌يى به‌غدا له‌وه‌ر بنبڕكردن پاشماوه‌ى تيرۆريسته‌يل و چه‌سپانن ئاسايش و پته‌وكردن سه‌قامگيرى له‌ڕێ په‌نج محوه‌ره‌و ك پيكهاتنه له‌يانه:
1- محوه‌ر يه‌كه‌م : سه‌ركردايه‌تى پاسه‌وان مه‌رز و سه‌ركردايه‌تى فه‌رمانده‌يى ئه‌نبار
2- محوه‌ر دويه‌م: سه‌ركردايه‌تى فه‌رمانده‌يى ئه‌نبار
3- محوه‌ر سێيه‌م: سه‌ركردايه‌تى فه‌رمانده‌يى جزيره
4- محوه‌ر چواره‌م: سه‌ركردايه‌تى فه‌رمانده‌يى فورات ناوراس
5- محوه‌ر په‌نجه‌م: سه‌ركردايه‌تى فه‌رمانده‌يى به‌غدا
