هاوپەیمان ناودەوڵەتی حەشارگەیل داعش لە سەرسار و متێبیجە ویران کەێد
2021-04-02T10:48:12+00:00
شەفەق نیوز/ فڕۆکەی هاوپەیمان ناودەوڵەتی، ئمڕوو جمعە، دوو حەشارگە و دوو ئەشکەفت ئەرا داعش تیرۆرست لە ناوچەیل سەرسار و متێبیجە لە پارێزگای سەڵاحەدین ویران کرد، و بویە هووکار کوشتن دوو تیرۆرست.
فەرماندەی ئۆپراسیۆنە هاوبەشەکان لە بەیاننامەیگ رەسیە ئاژانس شەفەق نیوز وت: فڕۆکەی هاوپەیمان ناودەوڵەتی، شەوەکی ئمڕوو، گورزیگ ئاسمانی لە پارێزگای سەڵاحەدین وە فەرمان فەرماندەی ئۆپراسیۆنە هاوبەشەکان جیوەجی کرد، ک بویە هووکار ویرانکردن دوو ئەشکەفت و کوشتن دوو تیرۆرست.
فەرماندەگە وتیش: فڕۆکەی هاوپەیمان ناودەوڵەتی گورزیگ تر ئاسمانی لەناوچەی متێبیجە جیوەجی کرد، و بویە هووکار ویرانکردن دوو حەشارگەی تیرۆرستەیل.
