هاوپەیمان سەدر ئاشکرای نیازیگ کەێد لە لاوردن سێ وەزیر لە حکومەت کازمی

شەفەق نیوز/ هاوپەیمان سەدر ک پشتگیری لە موقتەدا سەدر وەرگرێد، ئمڕوو یەکشەممە، ئاشکرای نیازیگ پەرلەمانی کرد وەئامانج لاوردن سێ وەزیر لە حکومەت موستەفا کازمی.

عەلی لامی نوێنەر هاوپەیمانەگە ئەرا ئاژانس شەفەق نیوز وت: وەگەرد دەسەوکاربوین ئەنجومەن نوێنەران لە مانگ ئایندە، ئەوەسا میوانکردن وپرسیار ئەرا ژمارەیگ لە وەزیرەگان لە حکومەت عراقی بوود، ئەرا فامستن لە کار وئەنجامیان لەماوەی گوزەیشتە.

لامی دیاریکرد ک سێ وەزیر هەس، نشانە هابانیان، وشکستهاوردنیان لەو ماوەی گوزەیشتە چەسپانن، و نەبایەس وەردەوامبوون لە کارەیلیان، ئەراوە ئەوەسا پرسیارکردن ئەرایان بوود، ئیجا لاوردنیان لە پەڕلەمانەو، وتیش؛ نێتوێنیمن ئاشکرای ئەو وەزیرەیلە بکەیمن، مەگەر وە داواکردن فەرمی ئەرا ئی پرسیاریە، تا قسەگە وە رمانن و رسواکردن یا چزداین نەوریەێد.