هاوپه‌يمانييگ "چه‌وه‌ڕيكرياى" سنى دژ حه‌لبوسى: دو حه‌لبوسى ئه‌را ئيمه باقيانيش ئه‌را ئيوه
شه‌فه‌ق نيوز/ هاپه‌يمانى شاره‌يل ئازادكرياێ، ئاشكراى جموجويليگ سياسى كرد ئه‌را دامه‌زرانن هاوپه‌يمانيگ دژ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل و نواگيرى له ده‌سگرتنى وه‌بان وه‌زاره‌ته‌يل و يه‌يش ده‌رخست ك هاوپه‌يمانيه‌گه وه سه‌رۆكايه‌تى ئه‌لخه‌نجه‌ر و نوجێفيه و جه‌ختيش له‌وه كرد سه‌ركرده‌يل جموجويل تازه ئاماده‌يى خوه‌يان نيشان دانه ئه‌را ده‌سهه‌ڵگرتن له وه‌زاره‌ته‌يل تر و هه‌ردوگ وه‌زاره‌ت وه‌رگرى و په‌روه‌رده ئه‌خوازن.
سه‌رچه‌وه‌يگ له هاوپه‌يمانيه‌گه له باسيگ ئه‌را شه‌فه‌ق نيوز وت: جموجويليگ له‌ناونى خه‌ميس ئه‌لخه‌نجه‌ر سه‌رۆك هاوپه‌يمانى شاره‌يل ئازادكرياێ و ئوسامه نوجێفى سه‌رۆك هاوپه‌يمانى مته‌حدون و خالد عوبێدى وه‌زير وه‌رگرى وه‌رين و ته‌ڵال زه‌وبه‌عى سه‌ركرده له هيزه‌يل عراقى هه‌س ئه‌را دامه‌زرانن هاوپه‌يمانييگ سنى له رووژه‌يل ئاينده.
باس له‌وه‌يش كرد ئى جموجويله دژ وه محه‌مه‌د حه‌لبوسى سه‌رۆك هيزه‌يل هاوپه‌يمانى عراقييه ك لاى خوه‌يه‌و هه‌وڵ ئه‌وه ئه‌ياد ده‌س بگرێده بان وه‌زاره‌ته‌يل پيكهاته‌ى سنى و له‌وانه‌يش هه‌ردوگ وه‌زاره‌ت وه‌رگرى و په‌روه‌رده.
