هاوپه‌يمانى سه‌در هه‌ڵويستى له ده‌نگداين وه حكومه‌ته‌گه‌ى كازمى دوياخست
2020-05-04T11:49:49+00:00
شه‌فه‌ق نيوز/ هاوپه‌يمانى سائيرون نزيك له موقته‌دا سه‌در سه‌ركرده‌ى ره‌وت سه‌درى، باس له‌وه كرد هه‌ڵويستى له حكومه‌ت مسته‌فا كازمى سه‌رۆك وه‌زيره‌يل راسپارياى له ئه‌نجومه‌ن نوێنه‌ره‌يل ديارى ئه‌كا.
له‌ى باوه‌ته‌و، جه‌مال فاخر ئه‌ندام له‌بان هاوپه‌يمانيه‌گه ئه‌را شه‌فه‌ق نيوز وت: كازمى ئه‌گه‌ر بخوازێد متمانه‌ى ئه‌نجومه‌ن نوێنه‌ره‌يل وه‌ده‌س بارێد، ئه‌وه بايه‌سه كابينه وه‌زاريه‌گه له كه‌سه‌يل پيشه‌يى و وه‌توانا و سه‌روه‌خوه‌ى بدێ دوير له به‌شبه‌شايه‌تى حزبى.
فاخر ئاماژه وه‌يه‌يش كرد هه‌ڵوێست فراكسيۆن سائيرون له حكومه‌ت مسته‌فا كازمى سه‌رۆك وه‌زيره‌يل راسپارياى له‌ناو ئه‌نجومه‌ن نوێنه‌ره‌يل ديارى ئه‌كريه‌ێد دوياى ئاگاداربوين ئه‌ندامه‌يل په‌رله‌مان له ناو كانديده‌يل له كابينه وه‌زاريه‌گه.
