هاووه‌خت سەردانەگی کازمی.. خۆپیشانده‌ریل بەسرە ئاڵای هەرێم به‌رزه‌و كردن
شەفەق نیوز/ دەیان کەس لە شار بەسرە، ئمڕوو جوارشەممە، دەرچگنە خۆپیشاندان وە شەرمەزارکردن سەردانەگەی موستەفا کازمی سەرۆک وەزیران ئەرا پارێزگاگە.
پەیامنێر ئاژانس شەفەق نیوز وت: خۆپیشاندانەگە ئاڵای هەرێم بەسرە هەڵگرد لە وەردەم هۆتێل ناودەوڵەتی بەسرە لەبان کۆرنیشەگە کە لەی مەوقە کازمی هالە ناوی.
پەیامنێرەگە وتیش: خۆپیشاندانەگە شەرمەزار سەردانەگەی سەرۆک ئەنجومەن وەزیرەیل کرد، و بەشیگ لە خۆپیشاندەرەیل داوای لێکۆڵینەوە کردن لەباوەت کوشتار ناڕەزایەگان لە خۆپیشاندانە وەرینەگە، و داوای دابەشکردن مووچەی رووژانە کارەگان کردن ک رەسنە ٣٠ هەزار لە فەرمانگەیل دەوڵەت.
پەیامنێرەگە ئاماژە دا ک خۆپیشاندانەگە شەرمەزار سەردانەگەی سەرۆک ئەنجومەن وەزیرەیل کرد، و هێزە ئەمنیەگان گشت ریەگان وەرەو هوتێل ناودەوڵەتی بەسرە بەسان، و هێزیگ تایبەت وە سەرۆک وەزیران هالە وەردەم هوتێلەگە.
پەیامنێرەگە هەمیش وت: نواگیر رۆژنامەنووسەیل کریا لە وەناوچگن هوتێلەگە وە فەرمانیگ لە نووسینگەی سەرۆک ئەنجومەن وەزیران، و رووژنامەنووسەیل رەخنەگردن لە مکیسی تەنیا ئەرا کەناڵەیلیگ تایبەت وە گورەی رینمایلیگ لە بەغداد.
کازمی شەوەکی ئمڕوو رەسیە پارێزگای بەسرە، و دانیشتنیگ ئەرا ئەنجومەنەگە لەتی بەسا، و پەیمان دا و جیوەجیکردن گشت داواکاریەیل خەڵکەگەی.
