ژن و مناڵ هاناویان.. دراوردن تەرم ٨ کەس لە رویداویگ هاتوچو لە نەینەوا.. وینە
2023-05-10T14:33:37+00:00
شەفەق نیوز/ وەڕیەوبەرایەتی وەرگری شارستانی، ئمڕوو چوارشەممە، راگەیان؛ تیمەیل رزگارکردن تەرم ٨ کەس دراوردن لە رویداویگ هاتوچو دڵتەزن باشوور پارێزگای نەینەوا ژن و مناڵ هاناویان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: رویداویگ هاتوچو ناوبەین ماشینیگ تایبەت و ڕووەکە تەکسی لە ناوچەی حەمام عەلی لە پارێزگای نەینەوا ئیوارەی ئمڕوو رویدا.
بەیاننامەگە وتیش: تیمەیل وەرگری شارستانی ناچار بوین ئامێر بڕین و جیاوەکردن هایدرۆلیک وەکار بارن، تا کانزاگە بووڕن و تەرمەیل درارن و بڕەسنە پزشک دادوەری.
لەلای خوەییش، سەرچەوەیگ لە پولیس پارێزگای نەینەوا ئەرا ئاژانس شەفەق نیوز وت: شەش کەس گیانیان لەدەس دان و سێ کەسیش زەخمدار بوین وە رویداویگ هاتوچو دڵتەزن ناوبەین دوو ماشین نزیک ئاوای گونێترە لە ناحیەی حەمام عەلی باشوور شار مووسڵ.
