نەینەوا.. وەرگری شارستانی ئاگر نزیک بەنزینخانەیگ کپەو کەێد

شەفەق نیوز/ وەڕێەوبەرایەتی وەرگری شارستانی لە نەینەوا، ئمڕوو پەنجشەممە، کپەوکردن ئاگریگ نزیک بەنزینخانە خوەرهەڵات شار مووسڵ راگەیان.

وەرگری شارستانی نەینەوا لە بەیاننامیگ رەسیە ئاژانس شەفەق نیوز وت: مەفرەزەیگ لە وەرگری شارستانی نوای ئاگر کارەداتییگ گرد، دویای ئەوەگ لەناو گژوگیا وقامیشەیل لە جادەی گەڕەک پیشەسازی لەپشت بەنزینخانەیگ لە ناحیەی بەرتلە هیز گرد،  وەبی زەرەد گیانی رفوو بوی.

بەیاننامەگە وتیش: ئاگرەگە کپەو کریا، و لە بەنزینخانەگە دویرەو خریا، ودیاری کرد ک ئەرا مقەیەتیکردن زیاتر، ویستگەگە سەردەو کریا، تا مژ ئاگر لە درەختەیل وەپی نەڕەسێد، ودیاری کرد ک ئەگەر ئاگرەگە کپەو نەرکردیاد وەنە رەسیادە ناو بەنزینخانەگە.